Mae BCRS Business Loans yn tyfu ei dîm unwaith eto i ateb y galw am fynediad at gyllid gan fusnesau Canolbarth Lloegr.

Mae Zoe Wilkinson ac Ian Gardner ill dau wedi ymuno â thîm BCRS sydd bellach yn 14, fel Rheolwyr Datblygu Busnes, i gefnogi’r nifer cynyddol o fusnesau sydd angen benthyciadau.

Gadawodd Zoe, a dreuliodd dros 13 mlynedd yn y diwydiant ariannol, Fanc Lloyds yn ddiweddar er mwyn gweithio yn BCRS o fewn ei dewis ddemograffeg - y farchnad BBaChau.

“Fy nghylch gorchwyl yw helpu pobl sydd â chynlluniau busnes ymarferol ond na allant gael yr holl gyllid sydd ei angen arnynt. Mae gennyf frwdfrydedd mawr dros helpu ein cwsmeriaid i dyfu eu busnesau.

“Mae’r blynyddoedd diwethaf wedi bod yn anodd iawn i’r sector BBaChau. Mae BCRS yn sefydliad sydd â gweledigaeth glir ac awydd i roi newid ar waith o fewn y sector cyllid, ac rwy’n cael fy nenu’n fawr iawn tuag at hynny. Rwy'n gweld hwn yn argoeli'n gyffrous ac mae fy swydd o fewn BCRS yn gyfle gwych i gael effaith gadarnhaol ar y gymuned fusnes leol”, meddai Zoe.

Mae lleoliadau daearyddol benthyca Zoe yn cynnwys Stoke on Trent a Swydd Gaer. Prif rôl Zoe fydd rheoli Cronfa Benthyciadau Busnes Swydd Stafford a Stoke on Trent, sy’n cael ei rhedeg ar y cyd â Chyngor Sir Stafford a Chyngor Dinas Stoke on Trent. Mae cyfanswm o £2 filiwn ar gael o Gronfa Fenthyciadau Swydd Stafford a Stoke i’w fenthyg i gwmnïau lleol yn yr ardal honno, sy’n cael problemau wrth gael y cyllid sydd ei angen arnynt.

“Rwy’n byw yn Stoke on Trent ac mae gennyf gysylltiadau agos â Swydd Gaer, felly rwy’n teimlo y gallaf ddod â chyfoeth o wybodaeth fewnol gyda mi ynglŷn â’r hyn sydd ei angen ar fusnesau er mwyn tyfu a ffynnu”, meddai Zoe.

Crëwyd Benthyciadau Busnes BCRS i ddiwallu anghenion busnesau nad ydynt yn gallu cael benthyciadau o ffynonellau traddodiadol fel y banciau. Ei unig ddiben yw darparu mynediad at gyllid i alluogi busnesau i dyfu a ffynnu drwy ddarparu benthyciadau yn amrywio o £10,000 i £100,000.

Mae Ian Gardner yn ymuno â BCRS yn dilyn gyrfa amrywiol yn y diwydiant bancio a chyllid, yn fwyaf diweddar gyda Santander. Bydd Ian yn defnyddio ei wybodaeth helaeth i hyrwyddo galluoedd sefydledig BCRS i ddarparu cymorth ariannol i fusnesau nad ydynt yn gallu cael gafael ar gyllid.

Bydd Ian yn gweithio gyda busnesau bach a chanolig yn Birmingham, Coventry, Solihull a Swydd Warwick.

Dywedodd Paul Kalinauckas, Prif Weithredwr BCRS, “Rydym wrth ein bodd bod pobl o galibr Zoe ac Ian wedi ymuno â’n tîm sy’n ehangu o hyd.

“Maen nhw’n sicr wedi ymuno â BCRS ar adeg gyffrous iawn. Rydym newydd ddathlu cyrraedd carreg filltir fenthyca o £20miliwn ers ein lansio yn 2002 ac rydym hefyd yn gweld cynnydd yn y galw am ein gwasanaethau a gyrhaeddodd uchafbwynt y llynedd pan welsom gynnydd mewn benthyca busnes o dros 40%. ”

Gellir defnyddio benthyciad BCRS ar gyfer ystod eang o brosiectau gan gynnwys ehangu, prynu offer, recriwtio a marchnata. Mae BCRS yn rhoi benthyg i'r rhan fwyaf o sectorau marchnad gan gynnwys adeiladu, peirianneg, gwasanaethau TG, gweithgynhyrchu, darparwyr gwasanaethau a chyfanwerthwyr.

Gall unrhyw fusnes yng nghanolbarth Lloegr ddisgwyl ymateb cyflym pan fyddant yn gwneud cais am fenthyciad naill ai drwy ffonio 0845 313 8410 neu fynd ar-lein yn www.bcrs.org.uk